Partia Demokratike së bashku me qytetarët janë derdhur në aksin rrugor te ‘Sheshi Shqiponja’, duke bllokuar rrugën në mosbindjen e tyre civile.

Sekretari i Përgjithshëm i PD-së Flamur Noka tha se opozita do ta vazhdojë betejën e saj derisa të rrëzojë në gjunjë narkoregjimin e Edi Ramës. 

‘Jemi në mosbindje civile, vazhdojmë me akte të tjera. Ne do bëjmë gjithçka në betejën tonë’, u shpreh Noka për mediat.

Noka: Kauza e opozitës është më e drejtë për çdo qytetar që i thotë kombit komb, është kauzë për Shqipëri demokratike. Jemi në mosbindje civile, vazhdojmë me akte të tjera. Ne do bëjmë gjithçka në betejën tonë. Do vazhdojmë derisa ta rrëzojmë në gjunjë regjimin.

Ne duam që të frenohet shpopullimi, që shqiptarët mos të jenë të varfër. Shqipëria ecën përpara me zgjedhje të lira. Shqiptarët që jetojnë në Shqipëri 5% jetojnë në luks dhe 95% jetojnë në varfëri. Narko-policia të mësojë se çfarë është mosbindja civile.