I ftuar në ‘Task Force’ në SYRI TV me Sonila Meçon, anëtari i kryesisë së PD-së, Belind Këlliçi ka paralajmëruar zhvillime gjatë muajit nëntor.

Gjatë bisedës, Këlliçi u shpreh se është thirrur nga prokuroria në 18 nëntor, pasi është paditur nga Erion Veliaj për shpifje. Ai deklaroi se, do të donte ta kishte Veliajn përballë atë ditë, por nuk e di a e kap datën 18 nëntor jashtë, pronari faktit i inceneratorit të Tiranës. 

‘Që të mos e lëmë Adrianën vetëm, edhe mua më ka ardhur fletë-thirrja për shpifje, e unë e kam në datën 18 nëntor.

Pronari faktit i inceneratorit të Tiranës, dhe kreu grupit kriminal ‘5D’ ka kallëzuar, Adrianën, mua, gazetarin Bledian Koka, për shpifje, ndërkohë që kemi faktuar gjithçka me dokumentet përtej çdo dyshimi deri më tani dhe të gjitha akuzat që ne kemi bërë dhe vazhdojmë të bëjmë publike, janë pjesë e hetimit të SPAK.

Janë pjesë e hetimit të ‘5D’ që është ende nën hetim e sipër dhe pjesë e hetimit të inceneratorit të Tiranës.

Do të doja shumë që zdromsi i Tiranës të vijë e të ballafaqohet në gjykatë, e pres të vijë, qoftë edhe me Adrianën apo me Bledin, por nuk e di a e kap dot datën 18 nëntor, pasi mund të ketë zhvillime.

Mund ti ketë marrë malli kolegët për të.

Koleg i them Altin Dumanit, i cili është kryekolegu dhe Klodian Braho dhe Dritan Premçi që ky i ka quajtur kolegë të tij dhe pasi e thirrën, Veliaj tha se, më kërkuan që të mbillja ca pemë dhe shkoi dhe u mbolli pemë’, tha Belind Këlliçi në SYRI TV.