Vallja e Tropojës është bërë pjesë e Uneskos. Lajmin e ka bërë të ditur kryetari i opozitës Sali Berisha me anë të një postimi në Facebook.

Vallja e tropojës, apo “K’cimi i Tropojës,  është simbol i ‘Malësisë së Gjakovë’s, pjesë e së cilës është dhe Tropoja. 

Postimi i plotë i kreut të PD Sali Berisha:

“K’cimi i Tropojës” pranohet në UNESCO!

Miq, vallja e Tropojës do të jetë pjesë e listës përfaqësuese të Trashëgimisë Kulturore Jomateriale të Njerëzimit.

Përgjatë viteve, kjo traditë ka mbetur një simbol i identitetit dhe bashkimit për banorët e Tropojës, Malësisë së Gjakovës.

Me këtë rast shpreh mirënjohje të pakufijshme për mjeshtrin virtuoz të valles dhe dancit në tërësi dhe në veçanti, ‘K’cimit të Tropojës’, Skënder Haklaj dhe ekipit të tij të mrekullueshëm për suksesin e tyre historik, si dhe UNESCO-s për vlerësimin e merituar të valles magjepsëse të Malësisë së Gjakovës.

Ky vlerësim suprem për ‘K’cimin e Tropojës’ merr një rëndësi edhe më të madhe në një kohë kur narkoqeveria e Tiranës, mbi bazën e korrupsionit të shfrenuar dhe ‘Ëoke Culture’ është hedhur në luftë të hapur kundër kulturës tradicionale dhe trashëgimisë së pasur kulturore të Shqipëris.