Kryetari i Komisionit Hetimor “Tahiri”, Edi Paloka, tha se, janë dërguar disa shkresa dhe pas kaq javësh që kërkohet përgjigje për Tahirin, shumica e institucioneve kanë kthyer përgjigje negative.

Shumica e tyre kërkojnë shtyrje afati…që kanë skaduar tashmë.  

“Të gjitha institucionet duke filluar nga kryeministria, ministria e Drejtësisë dhe ajo e Brendshme, Drejtoria e Policisë dhe gjithcka tjetër varet nga Edi Rama përgjigjet në forma të ndryshme kane qënë negative dhe nga më absurdet madje”,- tha Paloka

Ka pasur edhe nga ato institucione që kanë shkelur edhe afatet.

“Doganat kanë bërë kërkesë për shtyrjen afati deri më datë 25 Prill 2018, e njëjta gjë nga SHISH nga ku kanë filluar të vijnë materiale…

Mbrojtja kërkon gjithashtu kërkesë për shtyrje afati, me argumentin se kërkon një punë të kujdesshme dhe voluminoze, pra të gjitha institucionet që marrin urdhra nga Rama nuk kanë sjellë asnjë material madje kanë vënë afate që i kanë kaluar”,- tha Paloka.