Më parë Bleona Qereti pati njoftuar fansat e saj se do të ishte pjesë e një filmi hollivudian. Këngëtarja shqiptare e bëri më dije këtë nëpërmjët postimit të një  fotoje.

Xhirimet e tij me sa duket kanë përfunduar dhe ai është duke u shfaqur në kinema. Filmi mban titullin “211” dhe i përket kategorisë dramë-thriller ku në qendër të vëmendjes ka oficerin Mike Chandler dhe një civile të re, që gjenden të papërgatitur kur fati i vendos në një situatë të grabitjes së një banke. Bleona luan rolin e Christine, e cila duket se është një kliente, që po shijon kohën e kaluar në një lokal me miqtë e saj. E veshur me një kostum të bardhë, këngëtarja nis të thërrasë kur një grup njerëzish të maskuar dhe të armatosur, hapin zjarr brenda lokalit.