Këngëtari dhe producenti i njohur Jonas Blue në një postim në Instagram pak ditë më parë prezantoi albumin ‘Blue’ që do të lançohet në platformat muzikore online më 9 nëntor.
Ajo që spikat më shumë është këngëtarja e njohur shqiptare, Era Istrefi.
Kënga “Purpose” vjen si bashkëpunim mes Jonas Blue dhe këngëtares e cila së fundmi po korr shumë suksese ndërkombëtare, Era Istrefi.
Duke njohur artin që këta dy emra bëjnë, me siguri kënga do të jetë sukses i padiskutueshëm.
Pjesë e albumit janë edhe artistë të tjerë si Liam Payne, Joe Jonas, JP Cooper dhe Lennon Stella.
Kujtojmë se Jonas Blue ka realizuar në Shqipëri klipin e këngës “Mama” dhe pjesë e tij ishte modelja Oriola Marashi.
