Ish-futbollisti David Beckham ka surprizuar një vajzë të vogël 11-vjeçare në spital dhe i ka dhuruar çmimin special të ‘Pride of Britain’. Ai ka hyrë në dhomën ku qëndronte vajza e sëmurë dhe i ka dhuruar disa momente të paharrueshme duke luajtur me të.
“Ti je shumë e bukur. Më pëlqen shumë fjongo që ke në flokë. Edhe vajza ime do e kishte pëlqyer shumë, duket si një arush i vogël”,-i ka thënë ai.
Vajza në fjalë quhet Ella dhe shumicën e jetës e ka kaluar në spital si pasojë e një sindrome të rrallë që ajo vuan. Buzëqeshjet e të voglës dhe momentet speciale krah David kanë bërë xhiron e botës.
