Duket sikur Zayn ka përfituar vërtet shumë nga lidhja e tij me supermodelen Gigi Hadid.

Së fundmi këngëtari ka pozuar për një nga numrat e revistës Vogue që do të dalë në dhjetor dhe ajo që njerëzve u ka rënë në sy janë aftësitë e tij përpara aparatit. Shprehjet e fytyrës, qëndrimi dhe të gjitha pozat e Zayn në këtë set fotografik duket sikur kanë brenda pak Gigi.

Sigurisht, kjo nuk është hera e parë që 25- vjeçari pozon për një revistë, por duhet thënë se këtë herë duket më profesionist se kurrë.

Rreth një muaj më parë këngëtari prezantoi koleksionin e tij të çantave të shpinës, duke na bërë të mendojmë se këto kohë muzika nuk është fare një ndër prioritetet e tij.

Gigi Hadid dhe Zayn Malik u ndanë në mars të këtij viti për t’u rikthyer prap bashkë në qershor.

Arsyet e ndarjes mbetën përgjithmonë të paqarta ndërsa ato të rikthimit mund t’i merrni me mend.