Mbetet ndër talentet që na ka bërë krenarë në arenën ndërkombëtare.
Bëhet fjalë për Elhaida Danin, e cila 5 vite më parë rrëmbeu zemrat e gjithë italianëve pasi fitoi “The voice of Italy”. Momentalisht këngëtarja e njohur ndodhet në Rusi, ku po zhvillon karrierën atje. Ajo po merr pjesë në shfaqjen “Katedralja e Parisit”, në Pallatin e Kremlinit.
Elhaida i ka mahnitur të gjithë me performancën e saj, por jo vetëm publikun e thjeshtë. I mahnitur ka mbetur dhe kryeministri i Rusisë Dimitry Medvdev, i cili e ka surprizuar duke i dhuruar trëndafila të kuq. “E nderuar të marr këtë buqetë me lule nga kryeministri i Rusisë, zoti Medvedev, mbrëm pas shfaqjes”- shkruan Elhaida, krahas fotos me trëndafilat e dhuruar.
