Personazhet më të njohur të showbiz-it pritën zyrtarisht sezonin e ri Pranverë-Verë 2019 në hollin e “Mak Albania” në Tiranë, ku modelet plot finesë sfiluan me veshjet e koleksioneve më të reja të Liu.

Jo & Twinset Albania. Përfaqësuesja ekskluzive në Shqipëri e këtyre markave të njohura ndërkombëtare, Era Xhabafti dhe partneri i saj, Tedi Ngjela, pritën të ftuarit VIP në eventin e tyre special, ku të famshmit shihnin zbritjen surprizuese të modeleve në shkallë lëvizëse nga një kat më sipër për të bërë parakalimin plot finesë para tyre.

Momentet nga sfilata e koleksionit të ri Pranverë-Verë 2019 nga Liu Jo Albania dhe TwinSet, u shijuan nga afër nga personazhet e njohur të fushës së biznesit, artit dhe modës, mes të cilëve: Oni Hysenbelliu, Armina Mevlani, Eneda Tarifa, Anjeza Maja, Irena Kita, Eva Murati, Eni Shehu, Estela Ujka etj..

Në një mozaik ngjyrash dhe emocionesh, gjatë eventit të krijuar nga “Landmark Communications”, personazhet e njohur shijuan koktejlin me këtë rast, duke bërë dhe foto me njëri-tjetrin. Eventi mbresëlënës, ku binte në sy eleganca, finesa dhe moda e fundit, u finalizua me zbulimin e “Range Rover Velar i Ri”, shoqëruar me një koncert live që mbahej në katin sipër hollit të hotelit, ndërkohë që të ftuarit shijonin shampanjën. Fotografi i “Panorama Plus” ka shkrepur disa foto nga mbrëmja, të cilat po i publikojmë bashkë me shkrimin për këtë natë fashion në Tiranë.