Mel B ka qenë e vetmja që ka folur deri tani për të ardhmen e “Spice Girls” dhe e bëri sërish. E ftuar në një emision televiziv, pa u ulur mirë akoma, u pyet nëse vajzat do të bashkohen. “Scary Spice” deklaroi: “Po punojmë për të kuptuar se ku jemi. Mund të them vetëm se të pesta kemi firmosur me menaxherin Simon Fuller dhe do të jetë diçka emocionuese”.
Mel B shtoi: “Nuk mund të shkojmë në turne menjëherë, por ndoshta së shpejti”. Dhe rrëfimi nuk mbaron këtu. Kur u pyet nëse do të ketë muzikë të re, Mel tha: “Do të ketë, pak të gjitha”. Mel sqaroi edhe zërat për një ndarje mes grupit, duke thënë se vajzat janë si motra dhe asnjëherë nuk janë ndarë.