Dy vite më parë, Eran Zahavi kthehej në protagonist të takimit Shqipëri-Izrael duke qenë se kishte një sherr me portierin Etrit Berisha dhe pak kohë më parë, Xhani De Biazi e konsideronte një “bir k…” për shkak se kishte provokuar gardianin shqiptar.

Në takimin e fundit, ai pësoi një dëmtim, duke u detyruar që të luante për disa minuta me shqetësime, deri sa u largua përfundimisht nga fusha. Mesa duket, dëmtimi i Zahavit është paksa i rëndë, duke qenë se bëhet fjalë për një mungesë deri në 2 muaj.

Në rast se ekzaminimet mjekësore, nxjerrin si rezultat dëmtim të rëndë, atëherë Zahavi do të mungojë për Izraelin në takimet e kthimit në Ligën e Kombeve, ku në 10 tetor Izraeli luan ndaj Skocisë dhe 4 ditë më vonë pret Shqipërinë. Me atë mungesë, Shqipëria ka një shans më shumë, duke qenë se Zahavi është lojtari më i rrezikshëm.