Një nga talentet e ardhshëm të Spanjës, Brahim Diaz ka vendosur të largohet nga Manchester City me të cilët kontrata skadon në qershor të 2019 dhe nuk do të rinovohet. Fantazisti 19-vjeçar mësohet se është shtyrë nga Real Madrid që të mos pranojë rinovimin për të veshur fanellën “Los Blancos” por në garë për të ka hyrë edhe Paris Saint Germain. Këta të fundit kanë një ofertë më të mirë ekonomike për lojtarin por Diaz preferon vetëm pistën madrilene. Drejtuesit spanjollë janë të gatshëm të bëjnë një ofertë të arsyeshme që në janar për ta afruar menjëherë lojtarin dhe me kushtin që Manchester City të mos kërkojë të rinj në shkëmbim nga akademia e Real Madrid.