Pas Gennaro Gattusos që u largua me konsensus të plotë nga Milani, është radha e Luciano Spalletit për tu larguar nga Interi.

Por ndryshe nga kolegu i tij në pjesën tjetër të qytetit, Spalletti është shkarkuar nga drejtuesit zikaltër. Lajmi është konfirmuar në faqen zyrtare të klubit.

“FC Internazionale Milano mund të konfirmojë se Luciano Spalletti nuk është më trajneri i ekipit të parë. Klubi dëshiron të falënderojë Spalletin për punën e tij dhe rezultatet e arritura së bashku”.-thuhet mes të tjerash në deklaratën e klubit zikaltër.

Spalletti arriti të kualifikojë Interin në fazën e grupeve të UEFA Champions League, por kjo nuk bindi drejtuesit, të cilët vendosen ta largonin. Ai kishte një kontratë deri në vitin 2021 me zikaltërit, të cilët thuhet se janë pranë Antonio Contes.