Të enjten në mbrëmje, në orën 20:00, Kukësi do të presë në “Elbasan Arena” hungarezët e Debrecenit, në sfidën eliminatore të Europa Leagues, teksa do të tentojë përmbysjen ,pas humbjes një të enjten e kaluar me rezultatin 3-0.
Pasditen e sotme klubi verilindor ka publikuar edhe çmimet e biletave, që përveç tribunës VIP ku një vend kushton 2000 lek dhe tribunës qendrore ku kushton 1000 lek, në të gjithë tribunat e tjera, hyrja do të kushtojë vetëm 200 lek.
Biletat do të shiten si në biletarinë e stadiumit “Elbasan Arena”, ashtu edhe pranë stadiumit “Selman Stërmasi” në kryeqytet, ndërsa Kukësi shpreson në një përkrahje të fortë nga ana e tifozërisë, mbrëmjen e të enjtes.
