Një javë para fillimit të angazhimit ndërkombëtar, dy ndeshjeve kualifikuese të “Euro 2020”, kundër Shqipërisë dhe Andorrës, Didier Deschamps iu përgjigj pyetjeve të gazetarëve në një konferencë shtypi, pasi zbuloi listën e lojtarëve që do të grumbullojë. Trajneri i kampionëve të botës në fuqi u ndal edhe te Shqipëria, që do të jetë kundërshtari i radhës i “gjelave”: 

“Është një kundërshtar, që ne e respektojmë. Me gjashtë pikë, Shqipëria është akoma në garë. Ata kanë një organizim specifik, me tre mbrojtës qendrorë. Është një kundërshtar, ndaj të cilit nuk është e lehtë për të luajtur. Sidomos në shtëpi, është edhe më e vështirë ndaj tyre. Ne do ta përgatisim këtë ndeshje me seriozitet dhe përqendrim maksimal".