Massimo Moratti është “shumë i lumtur”, për postin e ri drejtues të Jose Mourinhos te Tottenham, por se ëndrra e të gjithëve është ta shohim atë përsëri te Interi. – tha ish-presidenti i Interit për “Tuttomercatoweb”.

“Jam shumë  i lumtur për të  dhe gjithashtu jam i kënaqur për Tottenhamin, të cilët bënë një zgjedhje të  mirë , edhe pse Pochettino ishte një trajner i mirë”.

“Mourinho ka gjithçka që nevojitet për të bërë një punë shumë mirë në Londër. Ndoshta mungesa e tij kaq e gjatë pa drejtuar asnjë skuadër ishte sepse po priste për këtë  mundësi”.

Ndërsa duke folur për nostalgjinë e vitit 2010, ku Interi fitoi “tripletën” me Mourinhon, Moratti tha:

 “Është ëndrra e të gjithë fansave të Interit që ai të rikthehet. Shpresoj që herët a vonë ta shohim atë përsëri këtu, por që sigurisht nuk po flas për tani pasi, Antonio Konte është duke bërë një punë fantastike, duke marrë maksimumin e situatës”.