Cristiano Ronaldo është duke kaluar një nga moment më të errët në karrierën e tij. Luzitani po zhvillon një start sezoni për tu harruar me Juventusin.
CR7 mund të largohet nga Torino për tu bashkuar me Manchester United. Duke folur në televizionin spanjoll La Sexta, analisti sportiv Eduardo Inda tha se Ronaldo do të largohet nga Juventusi, nëse klubi bardhezi dështon ta fitojë Ligën e Kampionëve këtë sezon.
Për të ardhmen e Ronaldos thashethemet ka nisur pas problemeve të tij me trajnerin Maurizio Sarri, i cili e ka zëvendësuar portugezin në dy ndeshje radhazi. Ish-ylli i Real Madridit nuk e priti mirë asnjërin prej dy vendimeve të trajnerit italian, duke e shfaqur haptazi zemërimin e tij. Ronaldo iu bashkua Juventusit në verën e 2018-ës për 100 milionë euro.
