Atletico e Madridit eliminoi Barcelonën nga Superkupa e Spanjës me rezultatin 3-2, në një ndeshje e karakterizuar me emocione dhe tensione të mëdha nga të dyja skuadrat.

Pas përfundimit të ndeshjes Lionel Messi foli për faktorët që çuan në këtë eliminim që e privon skuadrën të luajë në finale ndaj Realit. Argjentinasi deklaroi se skuadra e tij bëri gabime të pafalshme si dhe theksoi që të gjithë lojtarët e skuadrës janë në dijeni se janë larg pritshmërive. “Kemi shumë vend për përmirësim dhe e dimë këtë gjë. Nuk i kemi bërë gjërat siç dëshirojmë ose si ne jemi të aftë t’i bëjmë. Do të sigurohemi që ta luajmë pjesën e dytë të sezonit duke u përmirësuar në ato elementë që dështuam sot. Këto gabime foshnjërake nuk kanë vend në skuadrën tonë”

Më pas Messi u pyet nëse trajneri Valverde ka besimin e lojtarëve të skuadrës, ndërsa Messi e anashkaloi këtë pyetje duke përsëritur nevojën për tu përmirësuar.

 “Akoma po përpiqemi të rregullojmë disa gjëra. Tani kemi disa ditë për tu përgatitur për ndeshjen tjetër, pasi kjo i përket të së kaluarës tashmë”. – tha Messi ndër të tjera.