Reali i Madridit ka marrë një fitore 2-1 mjaft të rëndësishme në shtëpi kundër Sevillas. Heroi i takimit ka qenë Casemiro i cili ka realizuar një dopietë. Braziliani fillimisht shënoi në minutën e 57-të, duke realizuar një gol mjaft të bukur që jemi mësuar t’i shohim nga sulmuesit tipikë.
Sevilla do të reagonte shtatë minuta më vonë teksa de jong, ka përfituar nga një hutim i lojtarëve të Realit duke barazuar gjithçka.
Goli i fitores erdhi në minutën e 69-të, ku Casemiro shfrytëzoi një krosim të Lucas Vasquez duke shënuar me kokë. Me këtë fitore Reali merr i vetëm kreun e tabelës në kuotën e 43 pikëve, ndërsa Barcelona do të ketë mundësinë të barazojë madrilenët nesër teksa luan ndaj Granadës në “Camp Nou”.
