Policia e Fierit ka njoftuar se mëngjesin e ditës së sotme, në lagjen "8 Shkurti" Fier, nga një automjet tip "Reno" është qëlluar me armë zjarri në drejtim të lokalit të A.B.

Nga të shtënat nuk ka persona të lënduar por vetëm dëme materiale ku janë thyer xhamat e lokalit.

Makina është larguar në drejtim të Semanit dhe pak minuta më vonë është gjetur e djegur në lagjen "15 Tetori" Fier.

Në brendësi të makinës është gjetur një armë kallashnikov dhe një karikator. Forcat policore po krehin zonën me qëllim kapjen e autorëve.

Ndërkohe grupi hetimor po punon intensivisht për identifikimin e autorëve si dhe zbardhjen e plotë të rrethanave të ngjarjes. 

/55News.al/