Radarët e shpejtësisë të policisë rrugore janë jashtë parametrave të përcaktuar nga ligji. Këtë gjë e kanë bërë publike avokatët Altin Goxhaj dhe Erald Aga që kanë nisur një betejë ligjore me policinë rrugore. Me anë të një komenti në rrjetet sociale, Goxhaj bën të ditur se punonjësit e policisë rrugore ndërhyjnë në të dhënat e radarëve duke shënuar, shtuar e modifikuar të dhëna të ndryshme nga ato që radari kap duke konsumuar veprën penale të parashikuar nga neni 186/a Kodit Penal “Falsifikim Kompjuterik”.

“Sot Studio Ligjore Aga & Goxhaj Laë Firm (Avokati Altin Goxhaj dhe Avokati Erald Aga) nis betejën ligjore me policinë e rrugore në lidhje me RADARËT E SHPEJTËSISË ku do të vërtetojmë që janë jashtë parametrave të përcaktuar nga ligji si edhe që punonjësit e policisë rrugore ndërhyjnë në të dhënat e radarëve duke shënuar, shtuar e modifikuar të dhëna të ndryshme nga ato që radari kap duke konsumuar veprën penale të parashikuar nga neni 186/a Kodit Penal “Falsifikim Kompjuterik”.

— Do të hedhim në erë të gjithë sistemin e radarëve të shpejtësisë dhe gjobëvënies në formë banditeske të policisë rrugore ndaj çdo qytetari i cili ska as kohë e as nerva për t’iu kundërvënë shtetit dhe qeverisë, por ne si studio ligjore i kemi me qejf të madh këto gjyqe. ????

— Komisioni i Policisë Vlorë (OASH Vlorë), punonjës policie rrugore që shkelni ligjin dhe manipuloni të dhënat bëhuni gati të përgjigjeni para ligjit.”