Presidenti i Republikës, Ilir Meta dhe kabineti i tij, po ndjekin nga afër situatën e krijuar në Bibliotekën Kombëtare.

Meta u bën thirrje institucioneve përgjegjëse të marrin masa urgjente në mënyrë që të parandalojnë përsëritjen e një situate të ngjashme në të ardhmen.

Ai kërkon kontributin e të gjithëve për të ruajtur vlerat e pasura të fondit të Bibliotekës sonë Kombëtare.

Kujtojmë se Biblioteka Kombëtare ka shpallur gjendjen e emergjencës pas përmbytjes së katit të parë dhe kateve të nëndheshme, të godinës nga reshjet e shiut që mbuluan kryeqytetin ditën e shtunë.

Rreth 12 mijë materiale rezultojnë të lagura dhe të dëmtuara tregohet në njoftimin e Bibliotekës.