Aktivisti i shoqërisë civile Besjan Pesha i ftuar në "Ekopolitikë" në Ora News tha se qeveria duhet ta mbyllë plotësisht aktivitetin e basteve edhe online, në të kundërt sipas tij, po transferohet i gjithë kapitalit dhe një kompani të vetme. Gazetari Fatos Çoçoli tha se lojërat e fatit janë tatuar më pak se ushqimet.

Pjesë nga biseda:

Çoçoli: Ju lejuat që një aktivitet shumë fitimprurës, ta tatonit më pak se ushqimet. 15% që i lejuar me ndryshimin e ligjit. Mos më thuaj mea-culpa

Pesha: Ne kemi dyshime të arsyeshme bazuar në mënyrën se si qeveria vepron, është thjesht trasnferim kapitali nga kompanitë aktuale tek një kompani off-shore. Për këtë arsye e kemi sprovuar Parlamentin dhe zt.Braçe që të tregohen të sinqertë përpara shqiptarëve, atëherë të eliminojnë edhe bastet online, që të na bindin që nuk është një aferë korruptive. Do të na kthehet në bindje, nëse Komisioni i Ekonomisë do të na kthejë propozimin, që kjo është aferë korruëtive. Është një favorizim i qartë sepse kemi edhe precedentë të tjerë. Sfida mbetet që të veprojnë dhe të ndalojnë edhe bastet online. Frika këtu është pastaj që i gjithë aktiviteti të kthehet në ilegal. Po kur ta transferojmë në online, por kur do të jetë i paligjshëm, do të fuqizohet krimi i organizuar. Sigurisht krimi i organizuar ka për të përfituar nga kjo.