Banorët e Unazës së Re, kanë dalë edhe ditën e sotme në protestë, kundër vendimit të Bashkisë së Tiranës për të prishur shtëpitë të tyre, pasi ata nuk janë dëmshpërblyer.

Banorët nuk kanë marrë asnjë shpjegim nga Bashkia e Tiranës, e ndërsa kanë kërkuar deputeten e PS-së, Blerina Gjylametin, për ti kërkuar llogari.

Po ashtu, banorët i kanë thirrje policisë së shtetit që të mos sjellin mes tyre provokatorë, pasi njëri prej tyre ka goditur një kameraman.

Bashkia e Tiranës ka vendosur që më shumë se 300 banesa të prishen, e ndërsa nuk kanë dhënë as një zgjedhje se çfarë do të behet më banorët që jetojnë aty.

“Ku je deputete Gjylameti?! Ku je?! Erdhe si qen për të na kërkuar vota! Ne e duam rrugën, nuk jemi kundër rrugës, por na dëmshpërblemi 100%. Thjesht mungon vullneti, se kjo mund të bëhet.

Ku je, o Avokate e Popullit?! Ku je o Shoqëri Civile?! Ku jeni?!”, është shprehur njëri prej protestuesve.