Një ngjarje “jonormale” ka ndodhur sot në Tiranë, ku bashkia i ka hequr kioskën një gruaje dhe me karrotrec e vinç ja ka futur në oborrin e shtëpisë.

Sipas qytetares që ka dërguar videon për JOQ.al, gruaja shiste diku në qendër me këtë kioskë, por sot ja kanë hequr bashkia duke ia futur kioskën në oborr, në rrugën “Jordan Misja”.

Ajo shprehet:

“Përshëndetje JOQ! Mjerët ne ku jetojmë! Ja kanë shkulur kioskën dhe ja kanë sjellë në shtëpi. Zonja ishte deri tani në rrugë duke mallkuar e ofenduar shtetin, e po i kapte njerëzit rrugës teksa u tregonte duke bërtitur se ça po i bëjnë.”

Ky veprim është quajtur i pazakontë për dhunimin që i bëjnë objektit të banesës ku zonja jeton, sepse duket që kioskën e fusin si me zor në oborr duke dëmtuar edhe murin e shtëpisë.

A është ky dhunim prone dhe a kishin zotërinjtë e bashkisë një mandat për ta kryer një veprim të tillë?!

Këtë nuk e dimë me siguri, ama dihet që nga njëra anë po i zhdukin ata që dalin për bukën e gojës, duke i zëvendësuar me kioska tjera, më të mëdha dhe me çmime të kripura.