Më shumë se 180 kriminelë shqiptarë që strehohen në vendin tonë janë në kërkim nga Greqia për krime të rënda të kryera gjatë 18 viteve të fundit.

Sipas të dhënave të raportuara nga ‘Kathimerini”, autoritetet greke kanë lëshuar 184 mandate arresti për shtetasit shqiptarë të akuzuar për vepra penale që nga viti 2000 dhe të gjithë janë në gjendje të lirë.

Ndër to 14 janë urdhër arreste ndërkombëtare të lëshuara vetëm brenda këtij viti. Në vitin 2017 autoritetet lëshuan 21 mandate, ndërsa 26 u lanë vitin e kaluar.

Zyrtarët e Lartë të Policisë Greke (ELAS) i kanë thënë “Kathimerini”, se kriminelët nuk janë ekstraduar në Greqi, sepse autoritetet shqiptare të drejtësisë dhe të zbatimit të ligjit nuk ngurrojnë ta bëjnë këtë.

“Në rastet kur kërkojmë ekstradimin e të dyshuarve, ata na kërkojnë të dërgojmë shkresat e lëndëve të përkthyera [në shqip] në mënyrë që ata të mos ekstradohen në Greqi dhe të përballen me gjyq në Shqipëri”, tha një burim policor.