Një sherr ka ndodhur pasditen e sotme, në zonën e Unazës në kryeqytet, ku kanë mbetur të plagosur dy të rinj, që ishin të fejuar.

 Sipas policisë, ngjarja ka ndodhur rreth orës 15:00, në zonën e “Unazës së Re”, ku si pasojë e një konflikti të ndodhur jashtë një lokali, kanë mbetur të plagosur me mjet prerës (thikë) shtetasi A. M., rreth 27 vjeç dhe e fejuara e tij, shtetasja K. K., rreth 23 vjeçe.

 Por,si ndodhi ngjarja?

A.M. dhe e fejuara e tij ishin në një lokal në zonën e Unazës së Re. Aty, sipas një rindërtimi paraprak të ngjarjes nga policia, një person, ulur në një tavolinë aty pranë me persona të tjerë, ka ngacmuar me fjalë të fejuarën e djalit.

Situata agravon edhe më tej, kur djali dhe e fejuara sapo dalin nga lokali. Të dy janë goditur me thikë nga personi që më parë, prishi qetësinë e çiftit. Pas plagosjes së dyfishtë me thikë, autori është larguar nga vendngjarja.