Disa ditë më parë u arrestuan tre të dyshuar për grabitjen e zyrave të Prokurorisë së Rrethit të Durrësit. Të arrestuarit kanë dalë sot para Gjykatës për t’u njohur me masën e sigurisë.

Sipas Prokurorisë, është provuar me prova shkencore se Isa dhe Bushi janë autorët e vjedhjes së zyrës së prokurorit të Durrësit, Afrim Shehu. Ky i fundit po hetonte abuzimet me pronat në ish-komunën e Ishmit ku i proceduar është edhe ish-kreu i kësaj komune, Sulejman Ibrahimi, i cili rezulton i afërt me një prej grabitësve, Artur Bushi. 

Bëhet me dije se Artur Isa dhe Besnik Bushi kanë lënë gjurmë gishtash në ambientet e brendshme të institucionit gjatë vjedhjes.

Gjurmët e gishtave janë gjetur edhe mbi serverin qendror dhe atë të kamerave të sigurise. Isa dhe Bushi kanë thënë: “Nuk njihemi me njëri-tjetrin, nuk e kemi bërë ne vjedhjen”.

Prokuroria kërkoi arrest me burg për të ndaluarit, Artur Isa, Besnik Bushi, dhe Niaz Lena.