Ansambli "Rugova" nga Kosova u shpall fitues me çmimin e parë në edicionin e 16 të festivalit folklorik "Sofra Dardane" e mbajtur në qytetin e Bajram Currit.

Ata u vlerësuan për performancën dhe motivet me këngë dhe koreografi. Çmimet u ndanë edhe në kategori të tjera të festivalit folklorik të organizuar nga unioni artistik mbarë kombëtar.

Këngët, vallet, melodi dhe instrumentat dhe kostumet e larmishme entuziasmuan publikun, ndërsa nxorën në pah më të mirat e traditës shqiptare.

Për tre ditë dhe tre netë me radhë në skenën e "Sofrës Dardane" interpretuan grupe folklorike nga të gjitha trevat shqiptare.