Nga Kastriot Dervishi
Spiro Jorgo Koleka u lind më 1879 në Vuno të Vlorës. Ai është një figurë e politikës shqiptare që nuk duhet ngatërruar me ish anëtarit e Byrosë Politike të KQ të PPSH-së, Spiro Thoma Kolekën (1908 – 2001). Studioi për disa vjet në degën e inxhinierisë së ndërtimit në Vjenë, pa arritur ta mbarojë këtë shkollë. Më 20 dhjetor 1912 deri më 31 korrik 1914 ishte drejtor i doganës së Vlorës. Më 27 maj 1920-14 nëntor 1920 ministër pa portofol. Më 29 mars-27 maj 1920 nënkryetar i Këshillit Kombëtar (parlamenti). Më 1920 – 1925 deputet. Më 24 dhjetor 1921 – 30 maj 1923 ministër i Punëve Botore dhe Bujqësisë. Ministër në qeveritë e Xhafer Ypit dhe Ahmet Zogut. Pasi zvarriti shumë çështjen e koncesionit në dobi të shoqërisë anglo - persiane, kryeministri Ahmet Zogu e ftoi të jepte dorëheqjen. Më 12 qershor deri më 31 dhjetor 1924 prefekt i Korçës. Më 1925 – 1939 i arratisur politik në Greqi. Më 11 janar 1940 deri në vdekje më 25 nëntor 1940 anëtar i Këshillit të Shtetit në Tiranë.
