Kur kanë kaluar vetëm pak ditë nga takimi historik midis dy lidërve të dy Koreve, është publikuar një video e cila tregon se lideri i Koresë së Veriut, Kim Jong Un ka shtyrë me dorë një fotograf.

Bëhet fjalë për momentin kur gruaja e tij Ri Sol po afrohej bashkë me “homologen” e saj për takuar presidentin e Koresë së Jugut Moon Jae-In në fshatin e armëpushimit në Panmunjom.

Në këtë moment vëmendja e medias është përqëndruar te dy zonjat elegante, por Kim Jong-un është xhiruar duke shtyrë një fotograf që t’i hapte rrugën gruas së tij.

Pas këtij sinjali, fotografi është larguar me shpejtësi, duke i lënë të lirë rrugën dy grave të liderëve të Koresë së Jugut dhe të Veriut.

Të paktën në një aspekt, në atë të respektimit të gruas, lideri korean ka treguar sjellje perëndimore.