E gjithë bota është në pritje të dasmës së Princit Harry dhe të fejuarës së tij Meghan Markle. Dasma ka bërë bujë në mediat botërore edhe pse protagoniste e saj është aktorja e famshme Markle. Disa ditë më parë u përfol mungesa e të atit të aktores në ditën e dasmës për shkak të një ataku kardiak.

Kështu Meghan do të shoqërohet drejt altarit nga trashëgimtar i fronit britanik, Princi Charles. Ka qenë vetë aktorja që i ka kërkuar Lartmadhërisë së tij Princit të Uellsit që ta shoqërojë. 

"Princi i Uellsit është i kënaqur që mund ta mirëpresë znj. Markle në Familjen Mbretërore në këtë mënyrë," thuhet në deklaratën e Pallatit Mbretëror.

Gjithashtu, një ditë para dasmës na vjen në foto makina luksoze që do të përdorë çifti për ceremoninë e dasmës. Mjeti është një Jaguar i dizenjuar me flamurin e Britanisë dhe me dy personazhet kryesorë të dasmës të realizuar me karton. Makina gjendet e parkuar në Windsor Castle në Britani. /55news.al/