Një njoftim i shpërndarë për pedagogët e fakultetit të Gjeologji Minierat për të marrë pjesë në një mbledhje me Kryeministrin Edi Rama ka irrituar studentët që prej dy javësh bojkotojnë mësimin dhe janë në shesh për ti kërkuar qeverisë të tërheqë ligjin për Arsimin e Lartë.
Pasi i dështuan të gjitha mekanizmat për të përçarë studentët, si propagandën mediatike, përdorimin e majonetave sorosiane etj, Rama po përdor takimet me pedagogët për të ndalur protestat.
Pedagogët e fakultetit të Gjeologji Minierave u shantazhuan sot të jenë prezent në takim me Ramën, takim i cili ka nisur, por garda dhe policia nuk kanë lejuar mediat që të jenë prezentë.
Rama zgjodhi pikërisht Fakultetin e Gjeologji Minierave, ose si vetë studentët e quajnë në gjuhën popullore fakulteti i urithëve, pasi vetëm skutat i shkojnë përshtat në këtë moment çmendurie që po kalon.
Po pse ai zgjedh të bëhet urith? Ai ka lënë jashtë mediat ndërsa burime thonë se studentët kanë refuzuar të jenë pjesë, dhe për të mos u mediatizuar dështimi i këtij takim, që do të ishte i disati herë që kur ka nisur refuzimi i studentëve në dialog, Rama urdhëroi gardistët të mos lenë gazetarët të afrohen.
Ky është një stil i vjetër i Ramës. Stil diktatori, larg mediave, larg kundërshtarëve dhe në përfundim i shpërndarjes së trakteve se takimi kaloi me sukses e pedagogë e studentë ishin buzagaz për këtë takim me Ramën./ 55news.al