Edi Rama guxoi sot që në konferencën për shtyp të kërcënojë pafund të gjithë opozitën, në veçanti liderin historik të saj, ish-Kryeministrin Sali Berisha.
Ky Rama është një kryehajdut që ka 21 vite pushtet. Dhe të gjithë këto 21 vite pushtet janë të mbushura me shpërdorimin e tij. Dy dekadat e këtij njeriu janë të mbushura vetëm me 20 përqindsh, sulm dhe skenar ndaj miqve dhe njerëzve që e mbështesin. Ka vetëm shkelje me këmbë të gjithë imazhit që përfaqëson kombi dhe populli i tij, me ekspozita shkarravinash.
Është një kryetar partie dhe kryeministër që akuzohet për lidhje të forta me krimin e organizuar por në qoftë se duhet të flitet për origjinën e kësaj çështjeje duhet thënë se ajo daton që në kohën kur ishte kryebashkiak.
20 vite janë mjaftueshëm që ky njeri të shkojë aty ku e meriton pasi është shkatërruesi më i madh i aseteve publike, duke ia falur mediave që i ka kapur dhe oligarkëve. Është njeriu që me djemurinë jo vetëm që futi konceptin e 20 përqindshëshit por e ktheu Tiranën në një geto me stilin “Gërmo dhe vidh”.
Raporti që kishte me krimin e organizuar, që në gjenezë si kryetar bashkie e përforcoi si Kryeministër. Është i vetmi Kryeministër që përveç dhunës mbi opozitën dhe dëshirën për asgjësimin e saj nuk ka asnjë rezultat tjetër.
Do të mbahet mend si Kryeministri pa asnjë punë publike, i taksave të rritura, i burgosjes së njerëzve për 30 mijë lek energji elektrike, si Kryeministri që iu kap ministri i Brendshëm që i kishte dhënë “me qira” makinën grupit të struktura kriminal.
Do të mbahet mend si kryeministri i 200 mijë hektarëve kanabis, si njeriu që pudrosi qeverisjen e vendit me pluhur kokaine dhe që sot e thërrasin Kryeministri i Kolumbisë së Evropës.
Kërcënimet e sotme vijnë në një moment kur media prestigjioze Bild e hodhi një datë të përgjimit të tij dhe ata që dijnë të lexojnë përmes rreshtave kujtojnë që ka edhe data të tjera. Kryesisht për atë të “Xibrakës”. Prandaj edhe kërcënimi i sotëm, është thjesht kërcënim i një frikacaku që mendon se duhet të frikësojë edhe të tjerët. REDAKSIONALE 55news.al
