Kryeministri i Bullgarisë Bojko Borisov, vendi i cili ka Presidencën e radhës së Bashkimit Europian, e shikon të vështirë hapjen e negociatave për Shqipërinë. Edhe për variantin e hapjes së negociatave me kusht, Borisov thotë se janë 2-3 vende të Be-së që mbeten skeptike për Shqipërinë.

Borisov: Kuptohet, thotë Merkel: Ballkani perëndimor është tema më e vështirë që mund të zgjidhet, por është një temë me rëndësi sepse në Ballkan, secili nga fqinjët të jetë keq, të gjithë janë keq. Sa më shumë të jemi të ndërlidhur me njëri-tjetrin, aq më të mëdha janë mundësitë për investime, paqe dhe prosperitet. Është e vërtetë që tregojmë përpjekje të shumta. Kemi akoma dy tre shtete që janë skeptike ndaj Shqipërisë, por shumica e vendeve evropiane mendojnë se edhe pse me kusht, Shqipërisë duhet t'i jepet një datë dhe një rrugë për fillimin e negociatave. Po bëjmë përpjekje të mëdha të bindim këto vende deri në fund të qershorit.