Ndonëse në logjike nuk mund as të mendohet, por 20 afrikanët e Eritreas kanë refuzuar ftesën e Ramës për tu strehuar në Shqipëri. Eritrea ndodhet në pjesën veri-lindore të Afrikës dhe në pjesën lindore të vendit ka dalje në Detin e Kuq. Arsyet që i kanë çuar ata të emigrojnë drejt brigjeve Evropiane janë luftërat politike në vendet e tyre.
Lajmi se zemërgjeri Rama pranoi të merrte 20 afrikanë, njësoj si në filmin “Lulëkuqe përmbi mure” u publikua me jehonë të madhe në mediat qeveritare. Ato e cilësuan Ramën si një ndër kontributorët më të mëdhenj të momentit në pritjen e azilkërkuesve të Lindjes së Mesme.
Por çuditërisht të njëjta media që ndoqën me ngulm këtë lajm, po censurojnë faktin se 20 afrikanët kanë refuzuar ftesën e qëndrimit në Shqipëri.
Për afrikanët do të ishte më mirë te ktheheshin në vendin e tyre, Eritrea, se sa të qëndronin në vendin rekord të azil kërkimit në Bashkimin Evropian. Shqipëria renditet si shteti i parë pas Lindjes së Mesme për numrin e azil kërkimit.
Shqipëria për afrikanët është vendi i cili nuk u siguron dot të ardhme fëmijëve të tyre. Ndryshe nuk do të kuptoheshin “braktisjet” që prindërit shqiptarë u bëjnë fëmijëve në shtetet si Franca, Gjermania, Britania e Madhe , Suedia apo Norvegjia.
Shqipëria për afrikanët është vendi që nuk u siguron dot punë. Papunësia është shqetësimi i dytë që i shtyn shqiptarët të ikin nga Shqipëria dhe kjo i tremb afrikanët.
Shqetësimi tjetër pse afrikanët kanë refuzuar Shqipërinë është shëndeti dhe siguria sociale. Në spitalet tona mungojnë ilaçet dhe kohët e fundit mungojnë edhe infermierët dhe mjekët. Këta të fundit po braktisin Shqipërinë për trajtime më të mira në spitalet e Gjermanisë./ 55news.al