Pas deklaratave të veçanta nga krerët e PD-së deh PDIU-së mesa duket sot ishte dita që ata të takoheshin zyrtarisht dhe bashkimin ta shprehnin së bashku.

Kreu i PD-së Lulzim Basha zhvilloi një takim 1 orësh me kreun e PDIU-së, Shpëtim Idrizi në ambientet e Rogner.

I pranishëm në këtë takim ka qenë i pranishëm edhe ish-Presidenti i Asamblesë Parlamentare te OSBE, Riccardo Migliori

Pas takimit Basha e Idrizi janë shprehur se kanë arritur një marrëveshje bashkëpunimi mes dy partive.

‘Dua të i uroj mirëseardhjen PDIU-së në frontin e opozitës së bashkuar. Opozita është në frontin më të gjerë, më e angazhuar dhe më e fortë.

Bisedimet me PDIU-në përfunduan me sukses, për të ju shërbyer qytetarëve. PD dhe opozita e bashkuar kanë sot një mision jetik për çdo familje shqiptare: ti japin fund bashkëqeverisjes me krimin, të largojmë aleancën e pushtetit me krimin’.

Në takim ishin të pranishëm dhe Albana Vokshi dhe Mesila Doda.