Kryetarja e Aleancës së Grave deputete, Dhurata Çupi, ka reaguar ditën e sotme lidhur me ngjarjen e rëndë, të përdhunimit të një vajze nga djali e deputetit të PS-së të Krujës.

Përmes një postim në profilin  saj në Facebook, Çupi ka kërkuar nga institucionet përgjegjëse që të veprojnë në zbatim të ligjit dhe jo të ndikimit nga individë në pushtet.

Statusi i deputetes:

Si përfaqësuese e Aleancës së Grave deputete jam thellësisht e indinjuar nga një ngjarje që ka tronditur cilëndo nënë që po rrit një vajzë në këtë vend mes frikës se krijesa e saj do të përballet me një makabritet të tillë.
Djegia e trupit me cigare dhe përdhunimi i vajzës së re nga Fushe-Kruja është një ngjarje që duhet të na ngrejë në revoltë. Nuk është vetëm veprimi skandaloz që është kryer nga djali i një ligjvënësi shqiptar por edhe sjellja dhe mbrotja që i ka vënë në dispozicion dhunuesit të saj.
Kjo është skandal përtej skandalit që thellon frikën duke mbyllur gojën përpara një pushteti që sdi të ndalet në anën cnjerëzore të tij edhe për ngjarje të tilla. 
Kjo situatë nuk mund të pranohet. Institucionet përgjegjëse duhet të veprojnë në zbatim të ligjit dhe jo të ndikimit nga individë në pushtet.