Ish-kryeministri Sali Berisha ka shpërthyer në akuza ndaj kryeministrit Edi Rama duke e quajtur mashtrues dhe shpifës dhe madje dhe fjalë të tjera të rënda.

Në një status në “Facebook” Berisha thotë se Rama iu ka servirur kuksianëve si projekt të aeroportit të Kukësit foton e projektit të një aeroporti në Gjeorgji. Berisha ka publikuar dhe linkunpër më shumë informacione, ndërsa shkruan për Ramën se e ha turpin me bukë.

STATUSI I BERISHËS
Ja si mashtron kryeshpifësi, kryemashtruesi fundërrinë dhe llum njerëzor për aeroportin e Kukësit!
Shikoni foton, në të cilën provohet se Kallam Dështaku iu serviri kuksianëve dhe mbarë shqiptarëve foton e projektit të një aeroporti në Gjeorgji si foto të aeroportit të Kukësit.

Si tha, “Mos përgojoni 3D-në”??? Ky e ha turpin me bukë. Ja që rezulton se ajo 3D-ja, projekti i aeroportit të Kukësit që paraqiti dje është projekt i një aeroporti në Gjeorgji. Shihni fotot dhe për më shume klikoni linkun e videos.

3D-të janë identike. Mire që është kujdesur të heqë ujin dhe shinat e trenit.