Një ditë pasi Qeveria dërgoi në Presidencë, emrat e ministrave të rinj të cilët prisnin dekretimin e kreut të shtetit, Ilir Meta ka bërë dekretet e shkarkimit.
Presidenti Ilir Meta e ka nisur duke dekretuar shkarkimin e ministres së Arsimit, Sportit dhe Rinisë, Lindita Nikolla, e vënë në shënjestër pas protestës së studentëve.
Po ashtu Presidenti ka dekretuar edhe shkarkimin e ministrit të Bujqësisë dhe Zhvillimit Rural, Niko Peleshi.
Kreu i shtetit ka dekretuar shkarkimin e ministres së Kulturës, Mirela Kumbaro Furxhi.
Presidenti Meta ka dekretuar edhe shkarkimin e ministrit të Infrastrukturës dhe Energjisë, Damian Gjiknuri.
Kreu i shtetit ka dekretuar gjithashtu edhe shkarkimin e ministrit të Financave dhe Ekonomisë, Arben Ahmetaj.
Senida Mesi është dekretuar gjithashtu nga Presidenti, për shkarkim nga posti i Zëvendëskryeministres.
Presidenti Meta dekretoi shkarkimin edhe të ministres së Shtetit për Mbrojtjen e Sipërmarrjes, Sonila Qato. Sakaq kreu i shtetit nuk është shprehur për ministrin e Jashtëm, Ditmir Bushati.
Mirëpo emërimi i ministrave të rinj dhe shkarkimi i atyre aktual, duhet të presë deri në 21 janar, kur pritet të mblidhet edhe seanca e parë parlamentare e këtij viti.
Ndryshimet në qeveri
Erion Braçe zëvendës Kryeministër- Ikën Senida Mesi
Besa Shahini ministre e Arsimit- Ikën Lindita Nikolla
Anila Denaj ministre e Financave- Ikën Arben Ahmetaj
Genc Caka ministër i Jashtëm- Ikën Ditmir Bushati
Belinda Balluku ministre e Energjisë- Ikën Damian Gjiknuri
Bledi Çuçi ministër i Bujqësisë- Ikën Niko Peleshi
Elva Margariti ministrie e Kulturës- Ikën Mirela Kumbaro
Eduard Shalsi ministër për mbrojtjen e Sipërmarrjes- Ikën Sonila Qato
Rikthehet ministria për marrëdhëniet me Parlamentin, emërohet Elisa Spiropali.
Konfirmohen ministrja e Shëndetësisë Ogerta Manastirliu dhe ai i Turizmit Blendi Klosi.
Po ashtu vijojnë në detyrë ministri i Brendshëm Sandër Lleshaj, ministrja e Mbrojtjes Olta Xhaçka, ministrja e Drejtësisë Etilda Gjonaj dhe ministri i Shtetit për Diasporën, Pandeli Majko.
