Kryetari i PD Lulzim Basha në një konferencë për mediat me njerëz të arsimit të lartë, pedagogë dhe akademikë tha se tenderimi i kampusit po bëhet nga klane qeveritare.

Basha theksoi se kjo qeveri bën tendera te kampusi universitar, duke zhvilluar grabitje dhe zhvatje të studentëve dhe jo ndërtimin e një arsimimi më të mirë.

“Për tenderimin e kampusit universitar po zhvillohet luftë bandash e klanesh në qeverisje. Kjo luftë klanesh është një turp dhe grabitje e shkatërrim.

E shikoni se çfarë bëjnë te Universiteti Bujqësor i Tiranës, te Kopshti Botanik etj. Por ne si opozitë e bashkuar jemi sot më të fuqishëm se kurrë. Nuk do të lejojmë këtë grabitje. Nuk do të lejojmë të preket kampusi universitar, sot me protesta, nesër me ligj”, deklaroi Basha.