Kryeministri Edi Rama nuk e ka fshehur ngazëllimin për fitoren në zgjedhjet parlamentare në Austri, të liderit të së djathtës Sebastian Kurz, i cili dha dorëheqjen 4 muaj më parë si kancelar për të fituar sërish në zgjedhjet e fundit.

Rama pasi e cilëson Kurz një kampion të së ardhmes së përbashkët europiane bën parashikimin se vitet që po vijnë do të jenë kritike. Por nuk e saktëson se për kë është ky parashikim i keq: BE-në, Austrinë, apo Shqipërinë!

‘Urime për fitoren e madhe dhe shumë i lumtur për Shqipërinë dhe Ballkanin Perëndimor që një kampion i tillë i së ardhmes sonë të përbashkët evropiane do të jetë duke udhëhequr Austrinë miqësore për vitet kritike që do të vijnë’, shkruan sot Rama në Twitter.