Teksa fliste për opinionin e Komisionit të Venecias në lidhje me vendimin për shtyrjen e zgjedhjeve vendore, Presidenti i Republikës Ilir Meta nënvizoi faktin se për të gjëja më e rëndësishme është mbrojtja e stabilitetit të vendit.
“Unë më duket se jam i qartë në këtë çështje, nuk do rri të merrem me emrat e tyre. Për mua është i rëndësishëm stabiliteti i Shqipërisë, dhe unë kam bërë gjithçka për stabilitetin e këtij vendit. Është i rëndësishëm të mbrojë të drejtat themelore të qytetarëve shqiptarë, kam bërë dhe do bëj më të mirën në këtë drejtim. Është e rëndësishme unë të respektojë Kushtetutën e Shqipërisë i pari, dhe e kam respektuar në mënyrë më të shkëlqyer”, tha Presidenti.
