Kreu i Partisë Demokratike, Lulzim Basha ka postuar në facebook një mesazh nga New York-u që është edhe një nga zonat e nxehta të SHBA, ku COVID ka shënuar bilanc të frikshëm.

Në mesazh thuhet se nëse hapësira negative që sheh përreth nga stacionet, stadiumet dhe rrugët boshe që sheh, nuk duhet të mendosh se është fundi i botës, por duhet menduar si një akt dashurie për gjyshërit, vëllezërit dhe motrat tona me imunitet të dobët, ndonëse nuk i njohim.

Në mesazhin e postuar nga Basha theksohet se “ky është akti i solidaritetit botëror më i jashtzakonshëm që mund të shohim ndonjëherë!”

Mesazh prekës dhe kuptimplotë nga qyteti i Neë York-ut:

“Kur hedh vështrimin përreth, dhe sheh rrugë bosh, stadiume bosh, stacione bosh, mos i thuaj vetes “erdhi fundi i botës”.

Kjo që sheh është akt dashurie. Kjo që po sheh, në këtë hapësirë negative, tregon në fakt sa shumë ne kujdesemi për njëri-tjetrin, për gjyshërit tanë, për vëllezërit dhe motrat tona me imunitet të dobët, për njerëz që nuk i njohim e nuk do ti takojmë ndonjëherë!

Disa do të humbin punën prej kësaj, disa do të humbin bizneset e tyre, dhe disa edhe jetën. Kjo na jep edhe më shumë arsye për tu ndalur një çast kur jemi jashtë duke ecur, apo rrugës për të bërë pazaret, apo duke parë lajmet, dhe duke parë përtej kësaj zbrazëtire, të mrekullohemi me gjithë këtë dashuri. Të na mbushë dhe forcojë shpirtin!

Ky nuk është fundi i botës. Ky është akti i solidaritetit botëror më i jashtzakonshëm që mund të shohim ndonjëherë!”