Komisioni Europian ka vendosur të propozojë një plan veprimi për të dalë nga izolimi që ka pushtuar Europën si pasojë e pandemisë.

Mësohet se Këshilli Europian ka ndryshuar buxhetin e vitit 2020, ku përfshihet edhe ndihma 100 milionë euro për Shqipërinë.

Lajmin e ka bërë të ditur ambasadori i BE në Shqipëri, Luigi Soreca përmes një postimi në ‘Twitter’.

‘Sot Bashkimi Europian ka ndryshuar buxhetin e vitit 2020 për të ofruar mbështetje shtesë kur është e nevojshme urgjentisht. Kjo përfshin 100 milion € të premtuara nga @EUCommission në shkurt për të mbështetur rindërtimin pas tërmetit në Shqipëri. Premtimi mbahet dhe dorëzohet’, shkruan Soreca.