Ish-drejtori i Zërit të Amerikës, Frank Shkreli, në një intervistë me Skype në emisionin Çim Peka Live në Syri Tv, foli për shpalljen non grata të Sali Berishës.

Shkreli thekson se shpallja non grata e Berishës është e papranueshme, duke shtuar se i duket më shumë proces politik sesa juridik.

“Shpallja non grata e Berishës është e papranueshme. Gazetarët as nuk flasin dhe as nuk shkruajnë për çështjen në fjalë, pra për Berishën dhe kjo është e mjerueshme. Edhe kufizimi i lirisë së fjalës është për mua e papranueshme. Ky është më shumë një proces më shumë politik se juridik. Arsyet, herët a vonë, do të dalin në dritë.
Nuk e merrja dot me mend se një gjë e tillë do të ndodhte, në shekullin e 21-të mos ketë liri. Më vjen shumë keq për lirinë e medias në Shqipëri, që është në gjendje të mjerueshme. Fajin e kanë gazetarët vetë ca herë, parlamenti, opozita, ndërkombëtarët disa herë, që liria e fjalës është në ditë të zeza. Sugjerimi i Ambasadës Amerikane për Foltoren është kriminale. Është turp që edhe perëndimorët heshtin për lirinë e fjalës dhe të medias, se janë aty të promovojnë lirinë e fjalës dhe jo për të luftuar liritë”, u shpreh Shkreli