Në një intervistë për News24 kryetarja e LSI, Monika Kryemadhi ka folur sërish mbi marrëdhënien me Partinë Demokratike dhe Lulzim Bashën para zgjedhjeve të 25 prillit. Në bisedë u prek sërish çështja e listës së përbashkët teksa Kryemadhi konfirmoi dhe një herë se nuk ka pasur një ofertë zyrtarë nga ana e Partisë Demokratike. Madje ajo shkoi deri aty sa tha që nëse opozita do të ishte e gjitha në një listë Lulzim Basha nuk do të pranonte të hynte në zgjedhje

‘Koalicion ishim dhe me Partinë Demokratike në 25 prill, nuk pati asnjë ofertë zyrtare për një listë, patëm vetëm një manipulim nëpërmjet gazetarëve për të thënë për një listë. Akoma vazhdon sondazhi me një listë apo me dy lista sepse akoma nuk kanë dalë rezultatet e sondazheve. Nëse do të ishte më një listë, Lulzim Basha bashkë me lidershipin e tij nuk do të hyntë në zgjedhje. Dhe do të dëshironte që Edi Ramës t’i linte 120 mandate dhe opozitës të instrumentalizuar nëpërmjet shumë grupimeve të tjera t’i linte 20 deputetë dhe të vazhdonte të njëjtën metodologji të parlamentit ilegjitim që kishim me djegien e mandateve’.