Diplomati i karrierës Agim Nesho, në një intervistë me Skype në emisionin Task Force të moderatores Sonila Meço në Syri Tv, ka komentuar akuzat e ngritura nga këshilltari i presidentit Ilir Meta, Bledar Dervishaj, se Kuvendi ka falsifikuar dokumentet, me qëllim që të shkarkojë presidentin.
Nesho theksoi se sot kemi në qeverisje një parti-shtet dhe se Rama po tenton që të marrë edhe Presidencën, pasi ka marrë thuajse çdo institucion.
“Këtu nuk kemi një shtet normal, këtu është një parti-shtet që vepron. Rama do që të marrë edhe institicionin e Presidencës. Është Edi Rama, ai që ka prishur balancat për të qenë një shtet i së drejtës, sot Shqipëria vetëm në letër është shtet i së drejtës. Nuk kemi shtet të së drejtës, prandaj ka falsifikime të tilla kaq të rënda, e me të drejtë deputeti Vasili thotë se shteti ka rënë. Rama do që të marrë institucionin e presidencës dhe do që të eliminojë një kundërshtar politik.
Po tentohet që të sanksionohet me forcë një regjim autoritar dhe jo liberal në Shqipëri, që është pikësynimi kryesor i maxhorancës. Këtu kemi diktatorin në ngritje, që do të fshijë të kaluarën e tij. Rama është ai që ka bërë fasada, dihen historitë e tij skandaloze. GJK është përpara një veprimi për ekzistencën e saj”, deklaroi Nesho