Seanca e komisionit hetimor për inceneratorët u kthye në një tallave me fyerje, batuta dhe tensione.
Estrada nisi që kur kryeministri Edi Rama këmbënguli se nuk do fliste pa i kërkuar falje.
“Ose do të më respektoni si dëshmitar dhe nuk do t’i komentoni më fare ato që them unë, ose pastaj do të rrimë këtu deri më 6 mars. Dua një ndjesë të vogël. Në të kundërt do të mbeteni pa fushatë”, tha Rama.
Rama u shfaq dukshëm i tensionuar, ndërkohë që kërkoi ndërprerjen e seancës, duke thënë se po e acaronte kryetarja Jorida Tabaku.
“E ke zërin shumë grricës,” i tha Rama, duke shtuar se Tabaku po e fyen dhe po e bullizon.
I pyetur prej Tabakut se nëse do të donte të përfshinte në marrjen në pyetje dhe të deputetes së PS-së Ermonela Felaj pasi kjo e fundit ndërhynte shumë shpesh në pyetje- përgjigjet e kryeministrit Rama, ai i tha: “Me ju përballë të kem nevojë për Ermonelën? A ka logjikë kjo?”
Pas ndërhyrjes së deputetit Lefter Gështenja, Rama tha: “Do më lësh të thyej këto arrat e mia o zoti Gështenja”.
Tabaku: Me qetësi, këtë batutë e kanë thënë të tjerë para jush.
Rama: M’u bëre si Ilir Meta tani me këtë fjalën “me qetësi”, çfarë është kjo tani? Me qetësi, me dashuri, ca qetësie tani?
Rama: Po fyeve, nuk e di ç’të pret pastaj.
Tabaku: Ule zërin në këtë komision, a mund të kesh respekt se po flasim për paratë publike.
Rama: Merrni masat, qetësohuni. Sekretarin e partisë e kam pasur përballë kur kam qenë i vogël. Unë këtu sot kam ardhur për lekët e shqiptarëve dhe nuk iki pa i sqaruar